Tuesday, July 1, 2008

mohabbat.......aurat.......


aapne kabhi aek baat notice ki hai?

banda Allah ki mohabbat mein kuch karre.....to sab appreciate kerte hein

banda mulk ki mohabbat mein kuch karre.....sab appreciate kerte hein

banda maan ki mohabbat mein karre.....behan bhaiyon ki mohabbat mein karre.....beewi bachon ki mohabbat mein karre.....sab sarr dhunte hein

lekin yehi sab kuch banda kisi aisi aurat ki mohabbat mein karre jo "legally n religiously" uski kuch na ho......to qayamat kharri ker di jaati hai!

duniya ka bus nahi chalta aapko beech sarak mein kharra ker ke sangsaar ker de

aisa kyun hota hai ke aek aurat ke liye mard ki mohabbat ko hamesha "kaale chashmey" laga ker dekhti hai duniya.....jis se woh mohabbat hamesha "kaali" dikhaye de

i mean aisa kyun hai ke jab bhi aap kisi aurat ki mohabbat ka iqraar karren......duniya sabse pehle "physically aur sexually" ka taraazu leker us mein aapki mohabbat tolne beth jaati hai

kya aap aek aurat se paak mohabbat nahi ker sakte?

wese hi jese Allah se kerte hein

wese hi jese apne mulk se kerte hein

wese hi jese apni maan se kerte hein

lekin in sab mohabbaton per automatically utha ker paak mohabbat ka tag laga diya jaata hai

lekin jahan aek aurat aati hai.....wahan sab garbara ker dhardhara ker girr parta hai!

lekin aggar yehi aurat aapki beewi ho khush qismati se......to sarr phirse dhunne mein masroof ho jaate hein

mohabbat Allah se ho.....mulk se ho.....maan se....beewi se ho.....bachon se ho.....sahi sahi sahi......tick tick tick......

wohi mohabbat kisi aurat se ho.....galat galat galat.....red x's all over!

to phir bhala mohabbat kis worth hui?

the thing which counts....is the relationship....right?

ajeeb baat haina; rishtey mohabbat ke bager bhi qubool ker liye jaate hein.....lekin mohabbat rishtey ke bager qubool nahi hoti!!!

bus app kisi tarah aurat se related hone chahiyen......phir aap kuch bhi ker sakte hein.....mohabbat pe to kya.......ussay bhooka pyasa kaal kotri mein ja ker band ker dijiye.......koi aap per ungali nahi uthaye ga!

aur jis se rishta na ho......uske liye jaan de dejiye.....saari zindagi mohabbat ka dhol galley mein daal ker peet'te rahiye.....koi murr ker bhi dekh ley to aa ker mera naam badal dijiye ga!

aur in sab ke bawujood aggar mard kisi aesi aurat se mohabbat ker ke ummeed lagaye jo uski kuch nahi hai......to woh is duniya ka sabse barra bewuqoof hai!

kyunke aurat kabhi bhi mohabbat ke liye rishtey nahi chorti!

aurat hamesha rishton ke paas laut jaati hai

woh bina kisi rishte ke aapse mohabbat to ker legi.....lekin aapka saath nahi nibhaye gi!

wait.....

mujhe lag raha hai ke main buri tarah se patri se phisal chuka hoon......aur is se pehle ke meri gaddi dariya mein ja girre......lemme apply my brakes!!!!!!!!!!!

okkkkk.....they are not workin at the moment......lemme fix them and i'll get back to you tomorrow.......

 

Copyrights © Sheharyaar Saahil

3 comments:

Anonymous said...

"kyunke aurat kabhi bhi mohabbat ke liye rishtey nahi chorti!

aurat hamesha rishton ke paas laut jaati hai

woh bina kisi rishte ke aapse mohabbat to ker legi.....lekin aapka saath nahi nibhaye gi!"

Duniya ki saari aurton ko jaantay hain aap? Sab ke saath mohabbat kar ke dekh li hai jo itni over-generalizations kar rahay hain?

Kisi ghair mard se mohabbat karnay ke baad aurat ke paas kaunsa rishta bachta hai jis ke paas wo laut ker jaaye? Pal bhar main to izzat, ghairat aur ana ki khaatir us aurat ki tamaam qurbaaniyaan aur khuloos do kauri ki bhi nahin rehteen.

Aur agar koi aurat kisi mard ke liye apni poori duniya chor bhi de, to aagay se wohi mard taana deta hai keh tum ne meray liye yeh kiya, aur najaanay kis kis ke liye kiya kiya karti ho gee.

To Saahil sahab tab aurat kahaan jaaye?

Shehar said...

apne apne point of view aur experience ki baat hai :)

aggar me over-generalize ker raha hoon to aap bhi to duniya ke saare mardo ko aazmaye bager un per comments ker hi rahi hein :)

aur wese bhi main saari duniya ki aurto ke baare mein nahi likhta, aur jinke baare mein likhta hoon woh sab meri zindagi ka hissa rahi hein kisi na kisi rishte ki form mein!

Ahmed said...

Mard ki fitrat hi aisi hai, k wo samjhta hai k jo aurat us k sath relation rakh rahi hai, us ka relation us ki family k hr cnz hr friend k sath waisa hi hai... Halan k aisa nahin hota,

MAA BAAP aur Behan Bhai se barh kr koi rishta nai hota, jb aap ko kisi se muhabbat hoti hai to sb aap se kahain gy Muhabbat chor do, sb usi ko ghalt kahain gy, sbhi us se kahain gy k tum qurbani do aur sabit kro k tum hamarey ho, lekin sb loog mil kr apney us baitey ya baiti ki khawaish poori nai kr saktey...

Aurat kbhi bhi rishtoon main loot'ti ager us ko rishta acha mila ho, js k sath wo zindagi guzarney k liye apney gher ki dehleez phalaang aati hai, to wo srf aik hi maqsad aur sooch ko ly kr nai ati.... Respect Women... they r ur mothers, sisters, a person is never wrong, the comments make them wrong...
wo aik kahawat hai na, k "Bad se badnaam bura."